E shukultanni Shukultanni
Yo shaye pèp si tè a Kalinago si tè a Zawa
Anmwe jenosid fèt anmwe jenosid
Anmwe jenosid fèt anmwe jenosid mesye
Gran dulè ! Tande !
Karukera sete Bastè Sibukera sete Granntè
Kalinago teka viv ti vi a yo si de bèl tè
Tupatu te ni de bèl flè
Me ni on ju yo vwè bato a kolonizatè la debake
Ni on ju yo vwè bato a kolonizatè la debake
Avan ju la sa zarawak te ni on tinon yo teka ba lil a la Dominik : Waytukubuli
Èvè Marigalant sete Ayshi
Lesent e Dezirad te ni non a yo osi
Me ni on ju yo vwè bato a kolonizatè la debake
Ni on ju yo vwè bato a kolonizatè la debake
An tan la sa Zawa e Kalinago te ni tu sa i fo
Yo te ni tè yo te ni dlo yo te ni zèb yo te ni fwi
Yo te ni konbyen minero yo te ni tut on panopli a rèsus natirèl a la rèskus pu kontinye viv bèl
Lè i te ni niyaj, me move tan teka vin pas lè kolon rive i fè piyaj an tut vilaj
Te ni pièj yo pwan piwòg pu yo shape èvè sa ki rete kashe yo an ti gwòt
Ka fè pwazon san antidòt te ni baton teka krashe dife lè yo vin djòk
Donk le pli wòf vin le pli ra tu sa mene plis tristès èvè plis raj
Te ni tifi ka disparèt e nonm ka mò
Afòs travay si bitasyon a konkistadò ki tuju vle plis alò
Ki ay kidnape mun Afrika
Pu yo osi yo vwè bato a kolonizatè la debake
Yo osi yo vwè bato a kolonizatè la debake
On gwo bato on gwo bato a gwo ma
Milye mun milyon mun fè yo kidnape
Sèwten pèp vin avan dòt vin apre
Ni onlo ki mò adan kal a bato la èvè dòt ki sote an lanmè pu yo te tini lape
Sa ki rive Karukera poko te konpwann yo teke fin an shan kann e an shan bannann
Pu yo te pale ansanm yo envante on lang
Lelum kilti a yo adan on lawonn
E Gwoka vin a vwè ju lè yo pwan po a kabrit la pu yo fè tanbu
E shak bula ka sime lanmu dèpi prèmye nòt jus a tan u tann koda
E tan pase men nu anrasine
E tut se ti grenn a lanmu la yo teka sime fin pa puse siw vwè sa u ke fasine
An serey ! Fò nu sonje kilti an nu pu li pa janmè disipe kon lafime
An repetey ! Fò nu sonje kilti an nu pu li pa janmè disipe kon lafime yèè !
Debake