Lyrics
गणराज रंगि नाचतो
गणराज रंगि नाचतो नाचतो
पायी घागर्या करिती रुणझुण
पायी घागर्या करिती रुणझुण
नाद स्वर्गी पोचतो
गणराज रंगि नाचतो गणराज रंगि
कटी पितांबर कसून भर्जरी
कटी पितांबर कसून भर्जरी
बाल गजानन नर्तनास करि
तुंदिल तनु तरि चपल साजिरी
तुंदिल तनु तरि चपल साजिरी
लावण्ये साजतो
नारद तुंबरु करिती गायन
नारद तुंबरु करिती गायन
करी शारदा वीणावादन
ब्रम्हा धरितो तालहि रंगुन
ब्रम्हा धरितो तालहि रंगुन
मृदंग धिमी वाजतो
गणराज रंगि
देवसभा घनदाट बैसली
देवसभा घनदाट बैसली
नृत्यगायने मने हर्षली
गौरीसंगे स्वये सदाशिव
गौरीसंगे स्वये सदाशिव
शिशुकौतुक पाहतो
गणराज रंगि नाचतो
शांता शेळके
Raleigh Music Publishing LLC